Sitwasyon sa Macabebe, Pampanga
BALITAWEATHER
Umabot hanggang binti ang baha sa Barangay San Gabriel, Macabebe, Pampanga mula pa kagabi, Nobyembre 9, at nagpapatuloy hanggang ngayong umaga, Nobyembre 10, dulot ng pabugso-bugsong pag-ulan at malakas na hanging hatid ng Bagyong Uwan.
Ayon kay Allen Jareld Santos, isang mag-aaral ng Pampanga State University, malakas ang ulan sa kanilang lugar kahit pabugso-bugso, dahilan ng mabilis na pagtaas ng tubig sa mga kalsada at mabababang bahagi ng barangay.
Matatandaang kabilang ang Pampanga sa mga probinsyang isinailalim sa Tropical Cyclone Wind Signal No. 3 habang nananalasa ang Bagyong Uwan, na ayon sa PAGASA ay humina na at naging ganap na typhoon mula sa dating super typhoon category.
